random
أخبار عاجلة السويد

كلمتين من القلب . محمد الشبكشى

لازم كل فترة تقعد مع نفسك وترجع كام سنة لورا وتشوف كنت فين وبقيت فين واية الحاجات اللي قدرت تحققها من احلامك واية هية الحاجات اللي لسة بتسعى علشان توصلها وتحمد ربنا علي كل الحاجات اللي في ايدك واللي قدرت توصلها بفضله والنعم اللي انت فيها واكيد بعد الوقفة دي هتحس اد اية ربنا نعمه وفضله كبير عليك

Ps shebokshy
بس انت ديما حاسس ان في حاجة ناقصة رغم انه ممكن يكون العكس ودة علشان الانسان بطبيعته كل ما يوصل لحاجة من اللي بيحلم بيها بيشوفها حاجة بسيطة وعادية في حياته رغم انه في يوم من الايام كان مستعد يعمل كل اللي يقدر عليه ويضحى بحاجات تانية كتيرة علشان يوصلها وفي الاخر بيفضل يدور علي حاجات تانية اكبر ودة مش غلط بس الغلط انك في وسط الجرى دة بتضيع اجمل ايام وسنين حياتك ومش بتلحق تستمتع باللي في ايدك او اللي هتوصله بعد كدة بس الاهم انك تكون راضى عن نفسك وراضى بكل اللي ربنا كاتبه ليك وعينك مليانة باللي عندك ساعتها هتوصل لكل اللي انت عايزه حتى لو بيجى  متأخر شوية ومتنساش تنبسط بكل الحاجات الحلوة الكتيرة  اللي في ايدك  واللي يمكن مش شايفها كويس وتحمد ربنا على كل نعمه اللي انعم عليك بيها زى اب وام  مفيش منهم وميتعوضوش وبيت وعيلة كويسة وتربية نضيفة وزوجة صالحة او صحة او مال او بنون او شغل او اي حاجة حلوة ربنا اكرمك بيها   وتعرف ازاى تحافظ علي النعم دى وتشكر ربناعليها  وربنا يكرمنا جميعا بكل اللي بنتمناه  ❤️🥰🌹
صباح الفل 🇪🇬🇸🇪وجمعة مباركة
author-img
Mohamed Elshebokshy

تعليقات

ليست هناك تعليقات

    google-playkhamsatmostaqltradent
    اهلا وسهلا بكم فى موقع عرب السويد
    اعلان

    إغلاق الرسالة